மணி மலை பணை தோள் மா நில மடந்தை
	அணி முலை துயல்வரூஉம் ஆரம் போல
	செல் புனல் உழந்த சேய் வரல் கான்யாற்று
	கொல் கரை நறும் பொழில் குயில் குடைந்து உதிர்த்த
5	புது பூ செம்மல் சூடி புடை நெறித்து
	கதுப்பு விரித்து அன்ன காழ் அக நுணங்கு அறல்
	அயில் உருப்பு அனைய ஆகி ஐது நடந்து		மலை 373
	வெயில் உருப்புற்ற வெம் பரல் கிழிப்ப
	வேனில் நின்ற வெம் பத வழி நாள்		பொரு 2
10	காலை ஞாயிற்று கதிர் கடாவுறுப்ப
	பாலை நின்ற பாலை நெடு வழி
	சுரன் முதல் மராஅத்த வரி நிழல் அசைஇ
	ஐது வீழ் இகு பெயல் அழகு கொண்டு அருளி
	நெய் கனிந்து இருளிய கதுப்பின் கதுப்பு என		மலை 44
15	மணி வயின் கலாபம் பரப்பி பல உடன்
	மயில் மயில் குளிக்கும் சாயல் சாஅய்
	உயங்கு நாய் நாவின் நல் எழில் அசைஇ            பொரு 42,மலை 42-43
	வயங்கு இழை உலறிய அடியின் அடி தொடர்ந்து
	ஈர்ந்து நிலம் தோயும் இரும் பிடி தட கையின்	திரு 158,பொரு 40
20	சேர்ந்து உடன் செறிந்த குறங்கின் குறங்கு என
	மால் வரை ஒழுகிய வாழை வாழை
	பூ என பொலிந்த ஓதி ஓதி
	நளி சினை வேங்கை நாள் மலர் நச்சி
	களி சுரும்பு அரற்றும் சுணங்கின் சுணங்கு பிதிர்ந்து
25	யாணர் கோங்கின் அவிர் முகை எள்ளி		திரு 34-35
	பூண் அகத்து ஒடுங்கிய வெம் முலை முலை என
	வண் கோள் பெண்ணை வளர்த்த நுங்கின்
	இன் சேறு இகுதரும் எயிற்றின் எயிறு என
	குல்லை அம் புறவில் குவி முகை அவிழ்ந்த
30	முல்லை சான்ற கற்பின் மெல் இயல்
	மட மான் நோக்கின் வாள் நுதல் விறலியர்
	நடை மெலிந்து அசைஇய நன் மென் சீறடி
	கல்லா இளையர் மெல்ல தைவர
	பொன் வார்ந்து அன்ன புரி அடங்கு நரம்பின்		சிறு 227,பெரும் 15
35	இன் குரல் சீறியாழ் இட வயின் தழீஇ
	நைவளம் பழுநிய நயம் தெரி பாலை		குறி 146
	கை வல் பாண்மகன் கடன் அறிந்து இயக்க
	இயங்கா வையத்து வள்ளியோர் நசைஇ
	துனி கூர் எவ்வமொடு துயர் ஆற்றுப்படுப்ப
40	முனிவு இகந்திருந்த முது வாய் இரவல		திரு 284,பட் 214,253
	கொழு மீன் குறைய ஒதுங்கி வள் இதழ்
	கழுநீர் மேய்ந்த கய வாய் எருமை
	பைம் கறி நிவந்த பலவின் நீழல்
	மஞ்சள் மெல் இலை மயிர் புறம் தைவர
45	விளையா இளம் கள் நாற மெல்குபு பெயரா
	குளவி பள்ளி பாயல் கொள்ளும்
	குட புலம் காவலர் மருமான் ஒன்னார்
	வட புல இமயத்து வாங்கு வில் பொறித்த
	எழு உறழ் திணி தோள் இயல் தேர் குட்டுவன்	சிறு 112
50	வரு புனல் வாயில் வஞ்சியும் வறிதே அதாஅன்று
	நறவு வாய் உறைக்கும் நாகு முதிர் நுணவத்து		சிறு 108
	அறை வாய் குறும் துணி அயில் உளி பொருத
	கை புனை செப்பம் கடைந்த மார்பின்
	செய் பூ கண்ணி செவி முதல் திருத்தி
55	நோன் பகட்டு உமணர் ஒழுகையொடு வந்த		பெரும் 63
	மகாஅர் அன்ன மந்தி மடவோர்	
	நகாஅர் அன்ன நளி நீர் முத்தம்
	வாள் வாய் எருந்தின் வயிற்று அகத்து அடக்கி
	தோள் புறம் மறைக்கும் நல்கூர் நுசுப்பின்
60	உளர் இயல் ஐம்பால் உமட்டியர் ஈன்ற
	கிளர் பூண் புதல்வரொடு கிலுகிலி ஆடும்
	தத்து நீர் வரைப்பின் கொற்கை கோமான்
	தென் புல காவலர் மருமான் ஒன்னார்
	மண் மாறு கொண்ட மாலை வெண்குடை
65	கண் ஆர் கண்ணி கடும் தேர் செழியன்		பொரு 148
	தமிழ் நிலைபெற்ற தாங்க அரு மரபின்		சிறு 127
	மகிழ் நனை மறுகின் மதுரையும் வறிதே அதாஅன்று
	நறு நீர் பொய்கை அடைகரை நிவந்த
	துறு நீர் கடம்பின் துணை ஆர் கோதை
70	ஓவத்து அன்ன உண்துறை மருங்கில்
	கோவத்து அன்ன கொங்கு சேர்பு உறைத்தலின்
	வரு முலை அன்ன வண் முகை உடைந்து
	திரு முகம் அவிழ்ந்த தெய்வ தாமரை
	ஆசு இல் அங்கை அரக்கு தோய்ந்து அன்ன
75	சே இதழ் பொதிந்த செம்பொன் கொட்டை
	ஏம இன் துணை தழீஇ இறகு உளர்ந்து
	காமரு தும்பி காமரம் செப்பும்
	தண் பணை தழீஇய தளரா இருக்கை              	பொரு 169,பெரும் 242
	குண புலம் காவலர் மருமான் ஒன்னார்
80	ஓங்கு எயில் கதவம் உருமு சுவல் சொறியும்
	தூங்கு எயில் எறிந்த தொடி விளங்கு தட கை
	நாடா நல் இசை நல் தேர் செம்பியன்
	ஓடா பூட்கை உறந்தையும் வறிதே அதாஅன்று		திரு 247
	வானம் வாய்த்த வளம் மலை கவாஅன்
85	கான மஞ்ஞைக்கு கலிங்கம் நல்கிய
	அரும் திறல் அணங்கின் ஆவியர் பெருமகன்
	பெரும் கல் நாடன் பேகனும் சுரும்பு உண
	நறு வீ உறைக்கும் நாக நெடு வழி
	சிறு வீ முல்லைக்கு பெரும் தேர் நல்கிய
90	பிறங்கு வெள் அருவி வீழும் சாரல்
	பறம்பின் கோமான் பாரியும் கறங்கு மணி
	வால் உளை புரவியொடு வையகம் மருள
	ஈர நன் மொழி இரவலர்க்கு ஈந்த
	அழல் திகழ்ந்து இமைக்கும் அஞ்சுவரு நெடு வேல்	சிறு 102
95	கழல் தொடி தட கை காரியும் நிழல் திகழ்
	நீல நாகம் நல்கிய கலிங்கம்
	ஆல் அமர் செல்வற்கு அமர்ந்தனன் கொடுத்த		திரு 256
	சாவம் தாங்கிய சாந்து புலர் திணி தோள்
	ஆர்வ நல் மொழி ஆயும் மால் வரை
100	கமழ் பூ சாரல் கவினிய நெல்லி
	அமிழ்து விளை தீம் கனி ஔவைக்கு ஈந்த
	உரவு சினம் கனலும் ஒளி திகழ் நெடு வேல்		சிறு 94
	அரவம் கடல் தானை அதிகனும் கரவாது
	நட்டோர் உவப்ப நடை பரிகாரம்
105	முட்டாது கொடுத்த முனை விளங்கு தட கை
	துளி மழை பொழியும் வளி துஞ்சு நெடும் கோட்டு
	நளி மலை நாடன் நள்ளியும் நளி சினை
	நறும் போது கஞலிய நாகு முதிர் நாகத்து		சிறு 51
	குறும் பொறை நல் நாடு கோடியர்க்கு ஈந்த
110	காரி குதிரை காரியொடு மலைந்த
	ஓரி குதிரை ஓரியும் என ஆங்கு
	எழு சமம் கடந்த எழு உறழ் திணி தோள்		சிறு 49
	எழுவர் பூண்ட ஈகை செம் நுகம்
	விரி கடல் வேலி வியலகம் விளங்க
115	ஒருதான் தாங்கிய உரன் உடை நோன் தாள்
	நறு வீ நாகமும் அகிலும் ஆரமும்			பொரு 238
	துறை ஆடு மகளிர்க்கு தோள் புணை ஆகிய
	பொரு புனல் தரூஉம் போக்கு அரு மரபின்
	தொல் மா இலங்கை கருவொடு பெயரிய
120	நன் மா இலங்கை மன்னருள்ளும்
	மறு இன்றி விளங்கிய வடு இல் வாய் வாள்
	உறு புலி துப்பின் ஓவியர் பெருமகன்
	களிற்று தழும்பு இருந்த கழல் தயங்கு திருந்து அடி
	பிடி கணம் சிதறும் பெயல் மழை தட கை
125	பல் இய கோடியர் புரவலன் பேர் இசை
	நல்லியக்கோடனை நயந்த கொள்கையொடு		சிறு 268
	தாங்க அரு மரபின் தன்னும் தந்தை		சிறு 66
	வான் பொரு நெடு வரை வளனும் பாடி
	முன் நாள் சென்றனம் ஆக இ நாள்
130	திறவா கண்ண சாய் செவி குருளை
	கறவா பால் முலை கவர்தல் நோனாது
	புனிற்று நாய் குரைக்கும் புல்லென் அட்டில்
	காழ் சோர் முது சுவர் கணம் சிதல் அரித்த
	பூழி பூத்த புழல் காளாம்பி
135	ஒல்கு பசி உழந்த ஒடுங்கு நுண் மருங்குல்
	வளை கை கிணைமகள் வள் உகிர் குறைத்த
	குப்பை வேளை உப்பு இலி வெந்ததை
	மடவோர் காட்சி நாணி கடை அடைத்து
	இரும் பேர் ஒக்கலொடு ஒருங்கு உடன் மிசையும்
140	அழி பசி வருத்தம் வீட பொழி கவுள்
	தறுகண் பூட்கை தயங்கு மணி மருங்கின்
	சிறு கண் யானையொடு பெரும் தேர் எய்தி		பெரும் 27,மது 224
	யாம் அவணின்றும் வருதும் நீயிரும்		பெரும் 28,மலை 53
	இவண் நயந்து இருந்த இரும் பேர் ஒக்கல்
145	செம்மல் உள்ளமொடு செல்குவிர் ஆயின்		திரு 62
	அலை நீர் தாழை அன்னம் பூப்பவும்
	தலை நாள் செருந்தி தமனியம் மருட்டவும்
	கடும் சூல் முண்டகம் கதிர் மணி கழாஅலவும்
	நெடும் கால் புன்னை நித்திலம் வைப்பவும்
150	கானல் வெண் மணல் கடல் உலாய் நிமிர்தர
	பாடல் சான்ற நெய்தல் நெடு வழி
	மணி நீர் வைப்பு மதிலொடு பெயரிய		மது 351,மலை 250
	பனி நீர் படுவின் பட்டினம் படரின்
	ஓங்கு நிலை ஒட்டகம் துயில் மடிந்து அன்ன
155	வீங்கு திரை கொணர்ந்த விரை மர விறகின்
	கரும் புகை செம் தீ மாட்டி பெரும் தோள்
	மதி ஏக்கறூஉம் மாசு அறு திரு முகத்து
	நுதி வேல் நோக்கின் நுளைமகள் அரித்த
	பழம்படு தேறல் பரதவர் மடுப்ப
160	கிளை மலர் படப்பை கிடங்கில் கோமான்
	தளை அவிழ் தெரியல் தகையோர் பாடி
	அறல் குழல் பாணி தூங்கியவரொடு
	வறல் குழல் சூட்டின் வயின்வயின் பெறுகுவிர்
	பை நனை அவரை பவழம் கோப்பவும்
165	கரு நனை காயா கண மயில் அவிழவும்
	கொழும் கொடி முசுண்டை கொட்டம் கொள்ளவும்	மலை 101
	செழும் குலை காந்தள் கை விரல் பூப்பவும்
	கொல்லை நெடு வழி கோபம் ஊரவும்
	முல்லை சான்ற முல்லை அம் புறவின்
170	விடர் கால் அருவி வியன் மலை மூழ்கி
	சுடர் கால் மாறிய செவ்வி நோக்கி		பெரும் 291
	திறல் வேல் நுதியின் பூத்த கேணி
	விறல் வேல் வென்றி வேலூர் எய்தின்
	உறு வெயிற்கு உலைஇய உருப்பு அவிர் குரம்பை
175	எயிற்றியர் அட்ட இன் புளி வெம் சோறு		மலை 179
	தேமா மேனி சில் வளை ஆயமொடு	
	ஆமான் சூட்டின் அமைவர பெறுகுவிர்
	நறும் பூ கோதை தொடுத்த நாள் சினை
	குறும் கால் காஞ்சி கொம்பர் ஏறி
180	நிலை அரும் குட்டம் நோக்கி நெடிது இருந்து
	புலவு கயல் எடுத்த பொன் வாய் மணி சிரல்		பெரும் 313
	வள் உகிர் கிழித்த வடு ஆழ் பாசடை
	முள் அரை தாமரை முகிழ் விரி நாள் போது       	திரு 73,பெரும் 114,மது 249
	கொங்கு கவர் நீல செம் கண் சேவல்
185	மதி சேர் அரவின் மான தோன்றும்
	மருதம் சான்ற மருத தண் பணை
	அந்தணர் அருகா அரும் கடி வியல் நகர்
	அம் தண் கிடங்கின் அவன் ஆமூர் எய்தின்
	வலம் பட நடக்கும் வலி புணர் எருத்தின்
190	உரன் கெழு நோன் பகட்டு உழவர் தங்கை
	பிடி கை அன்ன பின்னு வீழ் சிறு புறத்து
	தொடி கை மகடூஉ மகமுறை தடுப்ப		பெரும் 478,மலை 185
	இரும் காழ் உலக்கை இரும்பு முகம் தேய்த்த
	அவைப்பு மாண் அரிசி அமலை வெண் சோறு
195	கவை தாள் அலவன் கலவையொடு பெறுகுவிர்
	எரி மறிந்து அன்ன நாவின் இலங்கு எயிற்று
	கருமறி காதின் கவை அடி பேய்மகள்
	நிணன் உண்டு சிரித்த தோற்றம் போல
	பிணன் உகைத்து சிவந்த பேர் உகிர் பணை தாள்
200	அண்ணல் யானை அருவி துகள் அவிப்ப
	நீறு அடங்கு தெருவின் அவன் சாறு அயர் மூதூர்
	சேய்த்தும் அன்று சிறிது நணியதுவே
	பொருநர்க்கு ஆயினும் புலவர்க்கு ஆயினும்
	அரு மறை நாவின் அந்தணர்க்கு ஆயினும்
205	கடவுள் மால் வரை கண்விடுத்து அன்ன
	அடையா வாயில் அவன் அரும் கடை குறுகி		பொரு 66
	செய்ந்நன்றி அறிதலும் சிற்றினம் இன்மையும்
	இன் முகம் உடைமையும் இனியன் ஆதலும்
	செறிந்து விளங்கு சிறப்பின் அறிந்தோர் ஏத்த
210	அஞ்சினர்க்கு அளித்தலும் வெம் சினம் இன்மையும்
	ஆண் அணி புகுதலும் அழி படை தாங்கலும்
	வாள் மீக்கூற்றத்து வயவர் ஏத்த
	கருதியது முடித்தலும் காமுறப்படுதலும்
	ஒரு வழி படாமையும் ஓடியது உணர்தலும்
215	அரி ஏர் உண்கண் அரிவையர் ஏத்த
	அறிவு மடம்படுதலும் அறிவு நன்கு உடைமையும்
	வரிசை அறிதலும் வரையாது கொடுத்தலும்
	பரிசில் வாழ்க்கை பரிசிலர் ஏத்த
	பல் மீன் நடுவண் பால் மதி போல		மது 769
220	இன் நகை ஆயமோடு இருந்தோன் குறுகி
	பை கண் ஊகம் பாம்பு பிடித்து அன்ன
	அம் கோட்டு செறிந்த அவிழ்ந்து வீங்கு திவவின்
	மணி நிரைத்து அன்ன வனப்பின் வாய் அமைத்து
	வயிறு சேர்பு ஒழுகிய வகை அமை அகளத்து
225	கானம் குமிழின் கனி நிறம் கடுப்ப
	புகழ் வினை பொலிந்த பச்சையொடு தேம் பெய்து
	அமிழ்து பொதிந்து இலிற்றும் அடங்கு புரி நரம்பின்	சிறு 34
	பாடு துறை முற்றிய பயன் தெரி கேள்வி
	கூடு கொள் இன் இயம் குரல் குரல் ஆக
230	நூல் நெறி மரபின் பண்ணி ஆனாது
	முதுவோர்க்கு முகிழ்த்த கையினை எனவும்
	இளையோர்க்கு மலர்ந்த மார்பினை எனவும்
	ஏரோர்க்கு நிழன்ற கோலினை எனவும்
	தேரோர்க்கு அழன்ற வேலினை எனவும்
235	நீ சில மொழியா அளவை மாசு இல்        	திரு 281,பொரு 73,152,பெரு 464
	காம்பு சொலித்து அன்ன அறுவை உடீஇ
	பாம்பு வெகுண்டு அன்ன தேறல் நல்கி
	கா எரியூட்டிய கவர் கணை தூணி
	பூ விரி கச்சை புகழோன் தன்முன்
240	பனிவரை மார்பன் பயந்த நுண் பொருள்
	பனுவலின் வழாஅ பல் வேறு அடிசில்
	வாள் நிற விசும்பின் கோள்மீன் சூழ்ந்த
	இளம் கதிர் ஞாயிறு எள்ளும் தோற்றத்து
	விளங்கு பொன் கலத்தில் விரும்புவன பேணி
245	ஆனா விருப்பின் தான் நின்று ஊட்டி		பெரும் 479
	திறல் சால் வென்றியொடு தெவ்வு புலம் அகற்றி
	விறல் வேல் மன்னர் மன் எயில் முருக்கி
	நயவர் பாணர் புன்கண் தீர்த்த பின்
	வயவர் தந்த வான் கேழ் நிதியமொடு
250	பருவ வானத்து பால் கதிர் பரப்பி
	உருவ வான் மதி ஊர்கொண்ட ஆங்கு
	கூர் உளி பொருத வடு ஆழ் நோன் குறட்டு
	ஆரம் சூழ்ந்த அயில் வாய் நேமியொடு
	சிதர் நனை முருக்கின் சேண் ஓங்கு நெடும் சினை
255	ததர் பிணி அவிழ்ந்த தோற்றம் போல
	உள் அரக்கு எறிந்த உருக்குறு போர்வை
	கரும் தொழில் வினைஞர் கைவினை முற்றி
	ஊர்ந்து பெயர் பெற்ற எழில் நடை பாகரொடு
	மா செலவு ஒழிக்கும் மதன் உடை நோன் தாள்
260	வாண் முகம் பாண்டில் வலவனொடு தரீஇ
	அன்றே விடுக்கும் அவன் பரிசில் மென் தோள்
	துகில் அணி அல்குல் துளங்கு இயல் மகளிர்
	அகில் உண விரித்த அம் மென் கூந்தலின்
	மணி மயில் கலாபம் மஞ்சு இடை பரப்பி
265	துணி மழை தவழும் துயல் கழை நெடும் கோட்டு
	எறிந்து உரும் இறந்த ஏற்று அரும் சென்னி
	குறிஞ்சி கோமான் கொய் தளிர் கண்ணி
	செல் இசை நிலைஇய பண்பின்
	நல்லியக்கோடனை நயந்தனிர் செலினே		சிறு 126